Рэспубліканскае грамадскае аб яднанне "Белая Русь" - гэта 230 000 неабыякавых патрыётаў сваёй краіны, аб яднаных у больш за 8 700 першасных арганізацый. Наша праца заснавана на ясных прынцыпах прэзідэнцкага стратэгічнага курса развіцця краіны. Мы будуем сваю будучыню на трывалым падмурку - патрыятызме. Гэта павага да сваёй гісторыі, культуры і традыцый, духоўных каштоўнасцей нашага народа. Гэта адказнасць за сваю краіну і яе будучыню. "Белая Русь" садзейнічае аб яднанню патрыятычна настроеных, адказных і актыўных грамадзян вакол агульных мэт і прыярытэтаў.

"Белая Русь" прымае актыўны ўдзел ва ўсіх электаральных кампаніях Рэспублікі Беларусь. Гэта метадычная, арганізацыйная, тэхнічная, інфармацыйная дапамога сябрам нашага грамадскага аб яднання, якія ўдзельнічаюць у выбарах; правядзенне тлумачальнай работы з насельніцтвам, арганізацыя дыялогавых пляцовак. "Белая Русь" стымулюе маладзёжную ініцыятыву. Мы прыслухоўваемся да меркавання неабыякавых маладых людзей! У рамках праектнай работы "Белая Русь" рэалізуе адукацыйную, тлумачальна-інфармацыйную і валанцёрскую функцыі, займаецца дзейнасцю, накіраванай на папулярызацыю гісторыка-культурнай спадчыны беларускага народа, ваенна-патрыятычнага выхавання, здаровага ладу жыцця.

Мы на роўных вядзём дыялог і ўмацоўваем сувязі з міжнароднымі партнёрамі. "Белая Русь" - гэта пляцоўка для дыялогу прадстаўнікоў розных груп, аб яднанняў, партый, арыентаваных на канструктыўнае і паступальнае развіццё. "Белая Русь" бярэ на сябе арганізацыю маніторынгу запытаў і інтарэсаў грамадзян, а таксама давядзенне іх меркавання да дзяржаўных органаў праз работу грамадскіх прыёмных, арганізацыю дыялогавых пляцовак, дыялогавых форумаў.

Наша місія - аб яднаць грамадства для дасягнення стваральных мэт. Толькі разам мы зможам адказаць на маштабныя выклікі сучаснасці і ўпэўнена рухацца ўперад!

Мэтамі дзейнасці РГА "Белая Русь" з яўляюцца:

• Пабудова незалежнай, моцнай і квітнеючай Беларусі, сацыяльна справядлівага грамадства, у якім кожны грамадзянін адчувае сябе свабоднай, самадастатковай, незалежнай асобай, чые здольнасці рэалізуюцца ў поўным аб ёме.
•  Аб яднанне грамадзян Рэспублікі Беларусь на аснове прыярытэтнасці нацыянальных інтарэсаў, патрыятычных і духоўна-маральных каштоўнасцей беларускага народа, культурных традыцый, агульнага разумення яго гістарычнага лёсу і імкнення да захавання суверэнітэту і незалежнасці дзяржавы.
• Фарміраванне палітычнай свядомасці грамадзян у адпаведнасці з палажэннямі Праграмы РГА "Белая Русь" і давядзенне іх кансалідаванага волевыяўлення да дзяржаўных і палітычных інстытутаў.

Задачамі РГА "Белая Русь" з яўляюцца:

• Дасягненне яднання грамадзян у рэалізацыі задач палітычнага, сацыяльна-эканамічнага і культурнага развіцця краіны з улікам нацыянальных інтарэсаў, традыцый і асаблівасцей.
• Удзел у распрацоўцы эканамічных, сацыяльных, прававых, арганізацыйных і іншых прапаноў па фарміраванні моцнай, эфектыўнай, сацыяльна адказнай прававой дзяржавы і прасоўванне іх у адпаведных праграмных дакументах.
• Садзейнічанне стварэнню ўмоў для свабоднага развіцця асобы, задавальнення патрэбнасцей і паляпшэння якасці жыцця грамадзян.
• Арганізацыя маніторынгу запытаў і інтарэсаў грамадзян і давядзенне думкі большасці насельніцтва да адпаведных дзяржаўных органаў і арганізацый.
• Аказанне садзейнічання кіраўніцтву краіны па папярэджанні, выяўленні і пераадоленні недахопаў у рабоце органаў дзяржаўнага кіравання.
• Інфармаванне насельніцтва аб статутных і праграмных мэтах РГА "Белая Русь" і яго дзейнасці, растлумачэнне пазіцыі РГА "Белая Русь" адносна палітычных падзей і працэсаў, рашэнняў, якія прымаюцца дзяржаўнымі органамі і арганізацыямі.
• Удзел у развіцці палітычнай, эканамічнай, сацыяльнай, прававой і іншых сістэм Рэспублікі Беларусь на аснове балансу інтарэсаў асобы, грамадства і дзяржавы.
• Удзел у палітычнай асвеце грамадзян, у тым ліку моладзі, павышэнне яе інтэлектуальнага і духоўна-маральнага ўзроўню, умацаванне духу патрыятызму і нацыянальнай самасвядомасці.
• Удзел у падрыхтоўцы і правядзенні выбараў, рэферэндумаў, фарміраванні Усебеларускага народнага сходу і ў рабоце выбарных органаў.
• Рэалізацыя статутных і праграмных мэт РГА "Белая Русь" шляхам удзелу выбраных прадстаўнікоў аб яднання ў рабоце дзяржаўных органаў, іншых дзяржаўных арганізацый, тэрытарыяльнага грамадскага самакіравання.
• Падтрымка членаў РГА "Белая Русь", якія займаюць выбарныя пасады, у ажыццяўленні іх дзейнасці ў адпаведнасці са статутнымі і праграмнымі мэтамі РГА "Белая Русь".
• Абарона законных правоў і законных інтарэсаў членаў РГА "Белая Русь" у дзяржаўных органах і іншых арганізацыях.
• Фарміраванне кадравага патэнцыялу аб яднання, у тым ліку арганізацыйная, адукацыйная, прапагандысцкая работа з моладдзю.
• Развіццё міжнароднага супрацоўніцтва.